Fudbaleri Juventusa doživjeli su poraz od Parme rezultatom 1:0.
Mateo Pelegrini šokirao je Juventus i nanio prvi poraz Igoru Tudoru na klupi “stare dame”! Juventus je poražen rezultatom 1:0 na gostovanju kod Parme, u odgođenoj utakmici 33. kola Serije A.
Dušan Vlahović i Randal Kolo Muani počeli su utakmicu za “bjankonere”, ali se to ispostavilo kao pogrešna odluka.
Stara dama je dominirala u posjedu lopte, ali nije uspjela probiti odbranu. Pelegrino je šokirao goste nekoliko minuta prije kraja prvog poluvremena, kada je glavom postigao pogodak na asistenciju Emanuela Valentija.
Vlahović je zamijenjen na poluvremenu zbog povrede butnog mišića, a umjesto njega je ušao Francisko Konseisao. Juventus je i u nastavku teško dolazio do šansi, a ni igrači koji su ušli sa klupe nisu uspjeli da ozbiljnije ugroze domaći tim.
Današnji poraz ostavlja Juventus bod ispod četvrtoplasirane Bolonje i izjednačenog na bodovnom saldu sa Laciom, koji je danas slavio 2:0 u gostima protiv Đenove.